Русия: дар як шабонарӯзи гузашта 6060 ҳолати нави гирифторӣ ба коронавирус сабт шудааст


Дар Русия тайи шабонарӯзи гузашта 6060 ҳолати нави гирифторӣ ба коронавирус сабт шудааст, хабар дод Ситоди фаврии мубориза бо ин маризӣ.
Ба иттилои манбаъ, ҳолатҳои нави гирифторшавӣ дар 78 минтақаи Русия ба қайд гирифта шудаанд.
Тибқи омори расмӣ, теъдоди умумии мубталоёни коронавирус дар Русия 42 853 нафар дар 85 минтақа ба қайд гирифта шудааст.
Теъдоди бештари маризони коронавирус дар Маскав мебошад. Дар шабонарӯзи гузашта дар пойтахти Русия 3 ҳазору 570 ҳолати гирифторшавӣ ба коронавирус сабт шудааст.
Дар ҷойи дуюм аз рӯи афзоиши гирифторони коронавирус вилояти Маскав қарор дорад, ки 709 ҳолати нав ошкор шудааст. Дар мақоми сеюм вилояти Нижегород бо 129 ҳолати нави маризӣ қарор дорад.
Дар беморхонаҳои Петербург бо бемории коронавирус 114 нафар бистарӣ шудаанд.
Ситоди фаврии мубориза бо коронавирус дар Русия иттилоъ дод, ки то ҳол дар кишвар 3291 гирифтори ин маризӣ шифо ёфтанд.
Бояд гуфт, ки дар як шабонарӯз 48 нафар фавтида, теъдоди умумии ҳалокшудагон аз ин беморӣ дар кишвар ба 361 нафар расид.

Мо дар шабакаҳои иҷтимоӣ