Эрон: шумораи вафоткардагон аз коронавирус кам шуд

Эрон: шумораи вафоткардагон аз коронавирус кам шуд

  • Post category:Ҷаҳон


Киёнуши Ҷаҳонпур, раиси маркази равобитумумӣ ва иттилоърасонии Вазорати беҳдошти Эрон охиран дар гуфтугӯ бо хабарнигорон гуфт, дар Эрон дар 24 соати ахир 1134  бемори нав ба қайд гирифта шуд, иттилоъ додааст Садои Хуросон.
Тибқи иттилои манбаъ, то кунун бар асоси меъёрҳои қатъии ташхисӣ, 89 ҳазору 328 нафар дар Эрон ба вируси корона олуда шудаанд.
Ҷаҳонпур ҳамчунин бо ишора ба фавти 76 нафар дар 24 соати гузашта афзуд, ҳолати фавт аз коронавирус  дар Эрон ба панҷ ҳазору  650 нафар расидааст.
Раиси Маркази равобитумумӣ ва иттилоърасонии Вазорати беҳдошти Эрон гуфт, раванди коҳишии мавориди фавти бархоста аз корона дар кишвар ҳамчунон идома дорад.
Теъдоди афроди мубтало ба вируси корона дар ҷаҳон низ ба беш аз ду миллиону  800 ҳазор нафар расидааст, ки аз ин теъдод камаш 197 ҳазор нафар ҷони худро аз даст додаанд ва беш аз 809 ҳазор нафар низ беҳбуд ёфта ва аз бемористонҳо рухсат ёфтаанд.

Мо дар шабакаҳои иҷтимоӣ