Деҳлӣ аз ҳаққи мизбонии Чемпионати ҷаҳон оид ба бокс миёни мардон дар соли оянда маҳрум шуд.

Чемпионат дар куҷо баргузор мегардад?
Ассотсиатсияи байналмилалии бокси ҳаваскорӣ (AIBA) эълон кард, ки Деҳлӣ аз ҳаққи мизбонии Чемпионати ҷаҳон оид ба бокс миёни мардон дар соли оянда маҳрум шуд ва Белград макони баргузории чорабинӣ интихоб гардид.
AIBA изҳор намуд, ки шартномаро бо пойтахти Ҳиндустон бекор кард, зеро Деҳлӣ уҳдадориҳояшро дар назди ташкилоти ҷаҳонӣ иҷро накард.

Акнун пойтахти Сербия мусобиқаро мегузаронад, Деҳлӣ бошад, бояд дар ҳаҷми 500 ҳазор доллари ИМА ҷарима супорад.
Белград қаблан соли 1978, замоне ки пойтахти Югославия буд, ин чорабиниро қабул кардааст.

Ёдовар мешавем, ки дар пасманзари авҷи маризии сироятии коронавирус дар ҷаҳонзамон ва макони баргузории аксар мусобиқаҳои варзишӣ дар сатҳи ҷаҳонӣ бекор шуданд.

Мо дар шабакаҳои иҷтимоӣ