Дар Тоҷикистон 2 нафар аз сирояти коронавирус вафот карданд


Мақомоти Тоҷикистон теъдоди гирифторон ба коронавирусро дар кишвар то шоми 2-юмм май 76 нафар арзёбӣ кардаанд. Ҳамзамон 2 ҳолати фавти шаҳрвандон аз бемории COVID-19 ба қайд гирифта шудааст.
Гузориш дар бораи мубталошавии 76 нафарро ба коронавирус шабакаҳои давлатии Тоҷикистон шоми 2 май нашр карданд.
Ба иттилои манбаъ, то ҳол 2 ҳазору 782 нафар зери назорати табибон қарор доранд. Дар гузориш таъкид шудааст, ки 217 нафар пас аз гузарондани ташхис дар ҳолати қаноатбахш ба хонаҳо ҷавоб дода шуданд.
Вазорати тандурустӣ пеш аз зуҳри имрӯз гузориш дода буд, ки то 2 май дар кишвар 32 ҳодисаи бемории сироятии коронавируси навъи CОVID-19, аз ҷумла 17 ҳодиса дар шаҳри Душанбе, 5 ҳодиса дар шаҳру ноҳияҳои тобеи ҷумҳурӣ ва 10 ҳодиса дар вилояти Суғд ба қайд гирифта шудаст.

Мо дар шабакаҳои иҷтимоӣ