COVID-19. шумораи гирифторон, шифоёфтагон ва фавт дар ҷаҳон

COVID-19. шумораи гирифторон, шифоёфтагон ва фавт дар ҷаҳон


Ба ҳолати соати 10:30-и 3 июл шумораи ҳолатҳои сироятёбӣ ба коронавируси нав дар ҷаҳон тақрибан ба 11 миллион нафар расида, зиёда аз 524 ҳазор нафар гирифторони COVID-19 вафот кардаанд ва беш аз 6,1 миллион нафар беморон шифо ёфтаанд, хабар медиҳад Созмони умумиҷаҳонии тандурустӣ (СУТ).
Тибқи маълумоти нави СУТ, давоми шабонарӯзи гузашта 208 864 ҳолати нави гирифторшавӣ ба COVID-19 ошкор шуда, 5 155 нафар сироятшудагон фавтидаанд. Ҳамин тариқ, шумораи умумии ҳолатҳои ошкоршудаи COVID-19 дар ҷаҳон 10 991 872 нафар ва теъдоди фавтидагон 524 176 кас мебошад.
Ҳамзамон то имрӯз дар ҷаҳон 6 150 606 нафар гирифторони ин беморӣ шифо ёфтаанд.
Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (2 837 189 нафар), Бразилия (1 501 353), Россия (661 165), Ҳиндустон (627 168), Испания (297 183), Перу (292 004), Чили (284 541), Британияи Кабир (283 757), Италия (240 961) ва Мексика (238 511) дохил мешаванд.

Мо дар шабакаҳои иҷтимоӣ