Истеъмоли барзиёди тарбуз барои киҳо хатарнок аст?

Истеъмоли барзиёди тарбуз барои киҳо хатарнок аст?

Бар тибқи тавсияи ғизошиносон, инсон дар як рӯз набояд аз 300 грамм бештар тарбуз истеъмол кунад, зеро дар тарқиби донаҳои тарбуз миқдори зиёди қанд ниҳон аст, ки ба саломатии инсон бисёр хатарзост.
Аз ҳад зиёд хӯрдани тарбуз ба фарбеҳшавӣ, касалии қанд, аллергия ва атеросклероз оварда мерасонад, изҳор доштааст Олга Григорян пизишки ғизошинос, номзади илмҳои тиб дар мусоҳиба бо радиои «Говорит Москва».
Пизишки рус ба нафароне, ки аллергия дорад, ҳушдор дод, ки истеъмоли барзиёди тарбуз метавонад маризии онҳоро бештар хуруҷ кунад.
«Агар шумо маризии бронхит, асма ва ё псариаз доред, истеъмоли тарбузро ба маротиб коҳиш диҳед, чун метавонад касалии шуморо бештар авҷ диҳад», — афзудааст Григорян.
Таърихи пайдоиши тарбуз аз Мисри қадим маншаъ мегирад. Дар Русия бошад ба кишт ва истеъмоли он мобайнҳои асри 17 шурӯъ намуданд. 
Тавсияи ин пизишк дар ҳолест, ки аксари духтурон истеъмоли тарбузро  барои нафароне, ки аз маризии гурда ранҷ мебаранд, муфид арзёбӣ мекунанд.

Мо дар шабакаҳои иҷтимоӣ