Истеъмоли харбуза чӣ фоида дорад?

Истеъмоли харбуза чӣ фоида дорад?

  • Post category:Саломатӣ

Антонина Стародубова, сармутахассис ва ғизошиноси Раёсати тандурустии Маскав гуфт, ки хурдани харбуза судмандтар аз ҳар ғизо буда, ба системаи асабии инсон таъсири мусбӣ мерасонанд ва рӯҳияро беҳтар мекунанд. Дар ин бора оҷонсии «Москва» хабар медиҳад.
«Харбуза ғизои фоидаовар буда, барои организм истеъмолаш зурур мебошад. Он сарчашмаи бойи витаминҳои A, C, B, E, кислотаи фолий, бета-каротин, маъданҳо, калий, магний, фосфор, кобалт, кремний мебошад», мегӯяд Стародубова.
Ба гуфти Стародубова аз ҳисоби чунин таркиби бой доштанаш харбуза антиоксидант, хосияти диуретикӣ дорад ба системаи асаб ва дилу рагҳо таъсири судманд мерасонад, рӯҳро такмил медиҳад, меъдаву рӯдаҳоро ба эътидол меорад ва инчунин рушди атеросклероз ва саратонро пешгирӣ мекунад.
Бо вуҷуди ин, тавсия дода намешавад, ки дар як рӯз аз 400 г харбуза зиёд хӯрдан лозим нест, зеро зиёд истеъмолаш ба фарбеҳи оварда мерасонад.

Мо дар шабакаҳои иҷтимоӣ