Қонуни нави Шотландия ба падару модарон задани бачаҳоро манъ кард


Ҳукумати Шотландия ба падару модарон ва васиёни кӯдакон задани онҳоро барои тарбия манъ кард. Дар ин бора “Express and Star” хабар дод.
Қонуне, ки задани наврасони то синни 16-ро манъ мекунад, соли гузашта дар порлумони Шотландия пуштибонӣ шуда буд. имрӯз, 7 ноябри соли 2020 ин қонун ба иҷро даромад. Пеш аз ин падару модар ва васиён ҳуқуқ доштанд, ки кӯдаконро ин гуна ҷазо диҳанд.
Шотландия 57-умин кишвар шуд, ки задани бачаҳоро бо қонун манъ кард. Чунин қонун ташаббуси Шветсия аст. Шветсия соли 1979 чунин қонунро ҷорӣ карда буд. Ҳоло як кишвари дигари Британияи Кабир – Уэлс низ мехоҳад ин қонунро қабул кунад.

Мо дар шабакаҳои иҷтимоӣ