СУТ: дар як сол 700 ҳазор нафар дар натиҷаи истифодаи нодурусти доруворӣ аз дунё чашм мепӯшанд

Аз 18 то 24 ноябри соли равон дар минтақаи Аврупо ҳафтавори дуруст истифода кардан аз дорувор ба амал омад.
Нодуруст истифода кардан аз дорувор оқибатҳои ногувор дошта, назар ба маълумотҳои Созмони тандурустии ҷаҳон аз асари он дар як сол 700 ҳазор нафар аз дунё чашм мепӯшанд. Бо назардошти ҳамин дар Ӯзбекистон низ дар масъалаи истифода аз антибиотикҳо чорабиниҳо рӯи кор меоянд.
Имрӯзҳо гурӯҳҳои ҷудогона иборат аз донишҷӯёни донишкадаҳои тиббӣ ихтиёран ба маҳаллаҳо ва мактабҳо мебароянд, доири оқилона кор фармудани дорувор ва тарзи истеъмоли онҳо дарсҳои кушод ташкил менамоянд.
Маълум, ки ҳар навъ беморӣ дар навбати аввал ба кӯдак сироят мекунад, падару модарон бе ретсеп низ аз дорухонаҳо дорувор мехаранд, баъзе беморон сиҳат ёбанд, баъзе бо сабабҳои маълум ба бемориҳои нав мепечанд.
Ихтиёриён дар навбати аввал ҳамин ҷиҳатҳоро фаҳмонида, дар доираи ташаббусҳо таҳти шиори «Дар истифодаи дорувор алайҳи микробҳо якҷо амал менамоем» ба бачаҳо китоб ва дастуруламалҳои тиббӣ туҳфа менамоянд.

Мо дар шабакаҳои иҷтимоӣ