Ҷоизаи “The Best-2020”: ФИФА беҳтаринҳои солро эълон кард


ФИФА рӯзи 17 декабр беҳтарин намояндагони футболро дар соли 2020 эълон кард. Ин маросим имсол ба далели пандемия онлайн барпо шуд
Юрген Клопп, сармураббии олмонии “Ливерпул”-и Англия беҳтарин мураббии сол эътироф гардид.
Роберт Левандовский – ҳуҷумгари “Бавария”-и Мюнхен ва ҷамоаи миллии Полша беҳтарин футболбози сол эълон шуд.
Мануэл Нойер – дарвозабони “Бавария”-и Мюнхен ҷоизаи беҳтарин дарвозабони солро дарёфт кард.
ФИФА ҷоизаи голи беҳтарини солро ба Сон Хён Мин, ҳуҷумгари “Тоттенҳем”-и Лондон супурд.
Маттиа Агнес, футболбози “Оспадалетти”-и Италия бо ҷоизаи Fair Play сарфароз шуд.
ФИФА ҳамчунин, ҷамоаи рамзии соли 2020-ро эълон кард:
Дарвозабон: Алиссон Беккер (узви «Ливерпул», шаҳрванди Бразилия),
Ҳимоятгарон: Трент Александер-Арнолд («Ливерпул», Англия), Вирҷил ван Дейк («Ливерпул», Нидерландия), Серхио Рамос («Реал», Испания), Алфонсо Дэвис («Бавария», Канада),
Нимҳимоятгарон: Йозуа Киммих («Бавария», Олмон), Кевин де Брюйне («Манчестер Сити», Белгия), Тиаго Алкантара («Бавария» «Ливерпул», Бразилия),
Ҳуҷумгарон: Роберт Левандовски («Бавария», Полша), Лионел Месси («Барселона», Аргентина), Криштиану Роналду («Ювентус», Португалия).

Мо дар шабакаҳои иҷтимоӣ