Имрӯз мулоқоти 16-уми солонаи котибони шӯроҳои амнияти кишварҳои СҲШ баргузор мешавад

22-23 июн дар шаҳри Душанбеи Ҷумҳурии Тоҷикистон мулоқоти 16-уми солонаи котибони шӯроҳои амнияти кишварҳои Созмони ҳамкории Шанхай (СҲШ) баргузор мешавад.
Ҷузъиёти дигари мулоқот ва мавзӯъҳое, ки дар он баррасӣ хоҳанд шуд, ҳанӯз маълум нест.
Мавриди зикр аст, ки СҲШ — созмони байналмилалии доимамалкунандаи байниҳукуматист, ки аз ҷониби сарони давлатҳои Қазоқистон, Чин, Қирғизистон, Россия, Тоҷикистон ва Ӯзбекистон таъсис дода шудааст.
Соли равон ба таъсиси ин созмон расо 20 сол пур шуд.
Эъломия дар бораи таъсиси Созмони ҳамкории Шанхай 15 июни соли 2001 дар мулоқоти сарони шаш давлат дар Шанхай ба имзо расидааст.
Аз соли 2017 сарони кишварҳои узви СҲШ қарор дар бораи қабули Ҳиндустон ва Покистонро ба узвияти созмон имзо намуданд.
Афғонистон, Беларус, Эрон ва Муғулистон кишварҳои нозир дар СҲШ мебошанд. Озарбойҷон, Арманистон, Камбоҷа, Непал, Туркия ва Шри-Ланка дар ин сохмон кишварҳои шарик маҳсуб меёбанд.

Мо дар шабакаҳои иҷтимоӣ