Олимони ӯзбек ваксинаи хӯрданиро бар зидди вируси корона таҳия карданд

Кормандони Маркази геномика ва биоинформатикаи Академияи илмҳои Ӯзбекистон ваксинаи хӯрданиро бар зидди вируси корона таҳия кардаанд, хабар медиҳад шабакаи Sevimli.
«Мо коронавирусро тавассути клон кардан ба як ҳуҷайраи растаниҳо ворид кардем. Пас аз он ки бемор «помидори ваксинадор» — ро истеъмол мекунад, вай ба бадани инсон ворид мешавад ва антителоҳо аз ҳуҷайраҳои помидор хориҷ мешаванд», — мегӯяд яке аз мутахассисони марказ.
Олимон ин лоиҳаро сар аз январи соли равон таҳия доранд. Помидор ва бодиринг тасодуфӣ интихоб нашудаанд — чун онҳо бидуни ҷӯшонидан истеъмол карда мешаванд. Далел ин аст, ки дар ҳарорати баланд ҳуҷайраҳое, ки антитело истеҳсол мекунанд, нобуд мешаванд ва чунин ваксина бефоида мешавад.
Ногуфта намонад, ки олимони тамоми дунё сари таҳияи ваксинаи хӯрданӣ кор мекунанд. Дар Русия ва Канада олимон барои таҳияи ваксин маҳсулоти ширӣ истифода мекунанд. Озмоишҳои клиникии чунин ваксинаҳо низ ба анҷом расидаанд.
Қаблан, вазири рушди инноватсионии Ӯзбекистон Иброҳим Абдураҳмонов гуфта буд, ки Маркази байналмилалии аллергология дар Ӯзбекистон айни замон дар якҷоягӣ бо Донишгоҳи Вена сари як лоиҳаи бузург кор карда истодааст.
Ба гуфти вазир, эҳтимол аст ки агар говҳо бар зидди коронавирус ваксин гиранд, дар шири ҳайвонот иммуноглобин-А пайдо мешавад. Ҳангоми нӯшидани чунин шир ба таври хом, бе ҷӯшонидан, бадани инсон иммунитетро бар зидди вирус инкишоф медиҳад ва бо сирояти COVID-19 мубориза мебарад.

Мо дар шабакаҳои иҷтимоӣ