Нигоҳубини зироат дар соҳаи кишоварзӣ аҳамияти калон дорад. Аммо тухмии дар замин кошташуда гарави ҳосилнокӣ ва сифати маҳсулот аст. Имрӯз бо мақсади шиносоӣ бо кор дар ин самт дар вилоят ба корхонаи воҳиди давлатии Маркази хизматрасонии комплекси агросаноатии назди «Узагроинспекция» пресс-тур ташкил гардид.
Дар он рӯзноманигорон ва блогерҳо бо корҳои анҷомдодаи ин созмон дар 9 моҳи соли ҷорӣ ва вазифаҳои дар пеш истода шинос шуданд.
- Мо хидматҳои лабораторӣ ва шаҳодатномаҳои ғалла ва маҳсулоти коркарди он, нахи пахта, пашм, тухмии техникӣ, ғалладона ва маҳсулоти аз ҷониби корхонаҳо содирот ва воридшавандаро пешниҳод мекунем, — мегӯяд роҳбари корхона Раҳмонқул Тӯраев. — Аз ҷумла, 219 240 тонна ғаллаи корхонаҳои ғалла, 2000 тонна содирот, 29 822 тонна ғалладонаи корхонаҳои паррандапарварӣ дар лаборатория таҳлил карда шуда, бо сертификатҳо таъмин карда шуданд. Аз ҷамъоварии ҳосили пахта дар соли 2020, 21 542 тонна толаи пахта, 1 705 тонна нахи пахта, зиёда аз 52000 тонна тухмии техникӣ озмуда ва сертификат дода шуд.
Илова бар ин, дар озмоишгоҳ 623,4 тонна картошка ва 18536 килограмм тухми ҷуворимаккае, ки аз Русия оварда шудааст, таҳлил карда шуд.
Иштирокчиёни чорабинӣ аз лаборатория дидан карда, бо ҷараёни кор шинос шуданд.
Лаборатория бо технологияҳои муосире, ки аз Ҷопон оварда шудаанд, муҷаҳҳаз шудааст. Бо мақсади баланд бардоштани сифат ва самаранокии хизматрасонӣ дар ояндаи наздик сохтани бинои нави лаборатории замонавӣ ба нақша гирифта шудааст. Пешбинӣ шудааст, ки таҷҳизоти муосир насб карда шуда, доираи хизматрасонӣ васеъ карда шавад.
Шаҳзод КЕНҶАЕВ
Мо дар шабакаҳои иҷтимоӣ
