Писари Президенти Туркманистон вазири саноат ва сохтмон таъин гардид

Писари Президенти Туркманистон вазири саноат ва сохтмон таъин гардид

  • Post category:Ҷаҳон

Қурбонгулӣ Бердимуҳаммадов, президенти Туркманистон писараш Сардор Бердимуҳаммадовро вазири саноат ва сохтмон таъин кард. Дар ин бора хабаргузории «Сентрал Азия» дар такя ба расонаҳои маҳаллӣ хабар медиҳад.
Сардор Бердимуҳаммадови 38-сола ҳамагӣ наздики як сол пеш раиси вилояти Аҳали Туркманистон таъин шуда буд. Ҷаҳиши Сардор аз як мақом ба мақоми дигар тахмину гумонҳоеро ба бор овардааст, ки Бердимуҳаммадови калонӣ писарашро ба ҳайси ворис омода мекунад. Сардор Бердимуҳаммадов то таъин шуданаш дар вазифаи раисии вилояти Аҳал муовини раиси вилоят ва пеш аз он муовини вазири корҳои хориҷӣ буд. Вай ҳамзамон вакили порлумони Туркманистон низ мебошад.
Дар мақоми нав Сардор Бердимуҳаммадов зоҳиран тарҳи пуровозаи сохтмони маркази маъмурии вилояти Аҳалро роҳбарӣ ва назорат хоҳад кард.
pressa.tj

Мо дар шабакаҳои иҷтимоӣ