Дар Украина як ҳолати гирифторӣ ба коронавирус аниқ карда шуд

Дар Украина як ҳолати гирифторӣ ба коронавирус аниқ карда шуд

  • Post category:Ҷаҳон


Ҳукумати Украина дар робита ба дақиқ шудани як ҳолати гирифторӣ ба маризии коронавирус, дари макотибро баст ва баргузории ҳамагуна чорабиниҳои оммавиро мамнӯъ кард
Ахиран маризии сироятии коронавирус ба Украина низ расид ва ташхиси як шаҳрванди ин кишвар, ки муддате дар Италия ба сар бурдааст, мусбат баромад.
Зимнан, ҳукумати Украина пас аз дақиқ шудани як ҳолати гирифторӣ ба маризии коронавирус, чораҳои пешгирикунанда аз паҳншавии маризиро пиёда намуд.
Бар хабари РИА Новости, феълан дар сартосари ин кишвар карантин ҷорӣ шудааст.
«Сар аз 12 — уми март то 3 — юми апрел, таҳсил дар макотиб қатъиян манъ гардидаст. Ҳамчунин баргузории чорабиниҳои оммавӣ бо иштироки беш аз 200 нафар мамнӯъ аст», — омадааст дар хабар.
Гузашта аз ин, Украина парвози ҳавопаймоҳоро самти чанд кишвар низ муваққатан боздошт.
Қаблан ҳукумати Украина хабар дод, ки дар сурати зуҳури ин маризӣ дар Киев эҳтимолияти баста шудани макотиб ва метро ҷой дорад.
Манбаъ меафзояд, ташхиси 43 нафар бо гумони гирифторӣ ба маризии коронавирус дар Украина манфӣ баромад ва танҳо дардмандии як нафар ба ин маризӣ таъйид шуд.

Мо дар шабакаҳои иҷтимоӣ