Дар Қазоқистон барои як моҳ вазъияти фавқуллода эълон карда шуд


Дар ҳудуди Қазоқистон ба далели паҳншавии коронавирус вазъияти фавқуллода эълом гардид. Дар ин бора дар хадамоти матбуотии президенти кишвар хабар дода мешавад.
Қарори мазкурро раисиҷумҳури Қазоқистон Тоқаев, рӯзи 15-уми март имзо кардааст.
Чунин вазъият як моҳ аз 15-уми март то 16-уми март дар ҳудуди Қазоқистон ҷорӣ шудааст.
«Дар робита ба аз ҷониби Созмони ҷаҳонии беҳдошт эълом шудани вируси COVID-19 чун пандемия бо мақсади ҳифзи саломатӣ ва ҳаёти шаҳрвандон мувофиқи қонунгузории Қазоқистон дар ҳудуди кишвар аз соати 08.00-и 16-уми марти соли 2020 то соати 07.00-и 15-уми апрели соли 2020 вазъияти фавқуллода эълом шуд», — омадааст дар қарор.
Тоқаев ҳамчунин барои созмони Комиссия оиди таъмини вазъияти фавқуллода фармон баровардааст.

Мо дар шабакаҳои иҷтимоӣ