Вирусшиноси рус:таназзули эпидемияи коронавирус ба тобистони ҳамин сол рост меояд

Вирусшиноси рус:таназзули эпидемияи коронавирус ба тобистони ҳамин сол рост меояд

  • Post category:Ҷаҳон


Вирусшиноси рус, Виктор Зуев дар мусоҳиба бо Nation News гуфтааст, ки таназзули эпидемияи коронавирус ба тобистони ҳамин сол рост меояд.
Ӯ изҳороти як қатор коршиносони дигарро, ки гуфтаанд, авҷи аълои сироятшавӣ ба вируси корона ба мобайнҳои апрел рост меояд, тавзеҳ дода, қайд кардааст, ки ин пешбинии онҳо аз эҳтимол дур аст.
«Агар шумораи мубталоён рӯз то рӯз камтар мешуд, мо гуфта метавонистем, ки авҷи аълояшро паси сар карем. Аммо, вақте ки имрӯз вазъият муташанниҷ аст, аз фардо беҳбудиро интизор шудан, хандаовар аст», — қайд мекунад ӯ.
Шумораи гирифторони коронавирус дар Расия ба 15 ҳазору 770 кас расидааст. Ин вируси ваҳим ҷони 130 танро рабуд. Шифокорон то кунун ба табобати  1291 беморро дастёб шуда буданд.
Дар ҳамин ҳол, бештари коршиносони рус бар онанд, ки дар се ҳафтаи наздик эпидемияи коронавирус ба қулла аълояш мерасад.

Мо дар шабакаҳои иҷтимоӣ