24 соат: дар ҷаҳон 6448 нафар гирифторони коронавирус вафот карданд

Созмони умумиҷаҳонии тандурустӣ (СУТ) охирин маълумот дар мавриди сироятшудагону шифоёфтагон ва ҳамчунин қурбониёни маризии коронавирус нашр кард.
СУТ мегӯяд, шабонарӯзи гузашта дар ҷаҳон боз беш аз 283 ҳазор мавориди ҷадиди сироятшавӣ ба маризии коронавирус сабт гардид.
Ба ҳамин минвол, алъон теъдоди умумии сироятёфтагон ба ин маризӣ 19 546 748 нафарро ташкил медиҳад.
Дар як рӯзи охир аз ин маризӣ 6448 бемор ҷон бохтанд, ки шумораи умуми қурбониён акнун ба 724 123 нафар расидааст.
Манбаъ меафзояд, дар минтақаи Амрикои Шимолӣ ва Ҷанубӣ давоми шабонарӯзи охир 154 118 нафар сироят ёфта, 4 598 нафар беморон вафот кардаанд. Дар Аврупо давоми 24 соати охир шумораи гирифторон 25 473 нафар ва ҳолатҳои фавт 416 кас зиёд шуд.
Дар минтақаи Осиёи Ҷанубу Шарқӣ, ки аз рӯи шумораи сироятёфтагон дар ҷаҳон дарн ҷойи сеюм қарор дорад, давоми шабонарӯзи гузашта 67 863 нафар ба COVID-19 гирифтор шуда, 999 беморон вафот кардаанд.

Мо дар шабакаҳои иҷтимоӣ