Фарзанди шоири маъруф устод Абулқосим Лоҳутӣ вафот кард

Гев Лоҳутӣ фарзанди шоири маъруф устод Абулқосим Лоҳутӣ, ки солҳои охир саргузашти падарашро менавишт имрӯз дар шаҳри Маскав аз олам даргузашт. Дар ин бора фарзанди ӯ Феликс Лоҳутӣ дар саҳифаи Вконтак хабар дод.
Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав аст. Соли 2015 фарзанди ӯ Фелекс хабар дод, ки падарш дар садади навиштани китоби ёддоштҳо дар бораи падараш аст.
Аз Абулқосим Лоҳутӣ ва Ситсилия –Бону чор фарзанд – Далер, Гев, Ҳотия ва Лайло тавлид шудаанд, ки як умр дар Маскав зистанд.
Гев Лоҳутӣ солҳои охир бемор буд ва дар садади навиштани китоби ёддоштҳо дар бораи падараш ба бемористон интиқол ёфт.
Гев, ки соли равон 83 сола шуд, нигаҳдорандаи архиви падар буд. Лайло Лоҳутӣ дар як суҳбат гуфта буд, ки сурудҳои дар асоси эҷодиёти падараш эҷодшуда дар хонаи Гев нигаҳдорӣ мешавад ва онҳо ҳар вақт онро мешунаванд.
Фелекс қаблан хабар дода буд, ки «Чанде пеш падарам баъзе матлабҳои солҳои пеш дар бораи бобоям дар рӯзномаҳо чоп кардаашро ҷамъ овард ва аз ман хост, ки аз онҳо нусха бигирам. Ӯ мехост, ки онҳоро дар китобе гирдиҳам оварад ва дар саҳифааш дар Фейсбук ҷой диҳад».

Мо дар шабакаҳои иҷтимоӣ