Дафтари аввали «Маснавии маънавӣ»-и Ҷалолуддини Балхӣ ба забонҳои тоҷикӣ ва ӯзбекӣ нашр гардид



Дар нашриёти «Ойдин»-и шаҳри Тошканд бо саъю талоши шоир ва тарҷумон Одил Икром дафтари аввали «Маснавии маънавӣ»-и Ҷалолуддини Балхӣ ба забонҳои тоҷикӣ ва ӯзбекӣ бо теъдоди 1000 нусха ба нашр расид, ки 4003 байтро дар бар мегирад.
Муҳаррири масъул Олимҷон Давлатов ва муҳаррир Ойдиниссо Юлдошева дар табъу нашри ин асари арзишманд саҳми босазо гузоштаанд. Шоир ва тарҷумон Одил Икром дар таҳкими робитаҳои илмию адабӣ ва муаррифии осори адибони тоҷик дар байни алоқамандони илму адаби кишварамон саҳми муассир дошта, қаблан «Тазкираи адибони муосири тоҷик»-ро бо забони ӯзбекӣ таҳия ва нашр намуд.
Нашри тарҷумаи дафтари аввали «Маснавии маънавӣ»-и Мавлоно Ҷалолуддини Балхиро муҳаққиқону ҳаводорони каломи бедеъ чун падидаи бузурги адабӣ эътироф намудаанд.
Мавриди зикр аст, ки «Маснавии маънавӣ»-ро бори нахуст олими англис Р. А. Николсон солҳои 1925—1937 аз забони форсӣ ба забони англисӣ гардонидааст, ки аз 25 632 байт иборат мебошад. «Маснавии Маънавӣ» аз шаш дафтар иборат аст, чунончи: Замин-Осмон, Шарқ-Ғарб, Шимолу-Ҷануб.

Мо дар шабакаҳои иҷтимоӣ