Ӯзбекистон парвозҳо ба Ҳиндустон ва Туркияро муваққатан маҳдуд кард

Комиссияи махсуси ҷумҳуриявӣ оид ба мубориза бар зидди паҳншавии коронавирус, парвозҳо ба Ҳиндустон ва Туркияро ба далели афзоиши теъдоди гирифторон ба ин беморӣ, муваққатан маҳдуд кард.
Гуфта мешавад, ки ин тадбир барои ҷилавгирӣ аз паҳншавии COVID дар ҷумҳурӣ ва пешгирӣ аз ворид шудани штаммҳои нави ин сироят ба Ӯзбекистон андешида шудааст.
Ҳамин тариқ, аз 5 май то 1 июни соли 2021 парвозҳо аз Истамбул ба Фарғона, Урганҷ ва Самарқанд бекор карда шуданд.
Ғайр аз ин, ҳама парвозҳои чартерӣ ба Ҳиндустон ва Туркия аз 10 май то ба эътидол омадани вазъи эпидемиологӣ дар ин кишварҳо боздошта мешаванд.
Дар баробари ин, тасмим гирифта шуд, ки аз 10 майи соли равон шумораи парвозҳо аз Тошканд ба Истамбул бар асоси паритетӣ (бар асоси талабот) коҳиш дода шавад.
Қайд карда мешавад, мусофироне, ки аз Ҳиндустон ва Туркия меоянд, бояд маҷбур барои худинзивоъии дуҳафтаина дар хона ё меҳмонхона дастхат нависанд.
Ғайр аз ин, ҳамаи шаҳрвандоне, ки аз Ҳиндустон ё Туркия ба Ӯзбекистон ворид мешаванд, вазифадоранд, ки дар фурудгоҳ аз ҳисоби маблағҳои аз буҷаи давлатии ҷумҳурӣ ҷудошуда аз ташхиси ПЦР гузаранд.
Агар натиҷа мусбат бошад, бемор дар тӯли 18 соат ба табобат фаро гирифта мешавад. Дар сурати манфӣ будан, шахс 14 рӯз карантин мешавад.

Мо дар шабакаҳои иҷтимоӣ