Дар Ҳиндустон духтари 17-сола барои ҷинс пӯшиданаш кушта шуд

Дар Ҳиндустон як духтари 17-соларо барои пӯшидани ҷинс бо чӯбдаст зада куштанд, хабар медиҳад India Today.
Ҳодисаи ҳайратангез ҳафтаи гузашта дар деҳаи Савреҷи Харги иёлоти Уттар Прадеш рух дод. Модар гуфт, ки духтараш Неҳа Пасван пас аз муноқиша бар сари либос шадидан латукӯб шудааст.

  • Вай аз субҳ то шом рӯзадор буд. Бегоҳӣ ҷинс ва болопӯш мепӯшид ва пас аз он маросимҳои худро иҷро мекард. Вақте ки бобою бибиаш аз либоси ӯ норозӣ буданд, Неҳа эътироз кард, ки ҷинс барои пӯшидан офарида шудааст ва ӯ мехоҳад бипӯшад, — нақл кард модараш.
    Ихтилофҳо ба ҳадде авҷ гирифтанд, ки боиси хушунат шуд. Ба гуфтаи ин зан, духтараш аз ҳуш рафтааст, пас аз он наздиконаш ришка (навъи нақлиёт дар Ҳиндустон — шарҳ аз идора) даъват карда, гуфтаанд, ки ҷабрдидаро ба беморхона мебаранд.
  • Нагузоштанд, ки ман онҳоро ҳамроҳӣ кунам, — ба ёд меорад зан. Субҳи рӯзи дигар ҷасади духтарро аз болои пул пайдо карданд.
    Пулис барои куштор ва нобуд кардани далелҳо парванда боз кардааст. Пулис гуфт, ки чаҳор нафар — бобои Неҳа, инчунин амакаш ва ронандаи мошин боздошт шуданд.
Мо дар шабакаҳои иҷтимоӣ