Қаблан хабарҳо паҳн шуда буд, ки шоҳи Британия Чарлз III ба бемории саратон ташхис шудааст. Пас аз он чанд сиёсатмадор, аз ҷумла Қосим-Ҷомарт Тоқаев, раисҷумҳури Қазоқистон ба Чарлз III нома навишта, хостори шифои зудтари ӯ шуданд.
Ба навиштаи расонаҳои британияӣ, подшоҳи Британия нақшаи супурдани тоҷро ба вориси худ, шоҳзода Вилям таҳия мекунад. Гуфта мешавад, ки ин аз писари дуюми шоҳ, шоҳзода Гарри, ки қасрро тарк кардааст, махфӣ нигоҳ дошта мешавад.
Тибқи қонуни мерос, писари калонии Чарлз, шоҳзода Вилям бояд подшоҳи навбатии Британияи Кабир шавад.
Ба гуфтаи коршиноси шоҳӣ Том Куинн, нақшаҳои вориси баъд аз бад шудани саломатии Чарлз ба амал омаданд. Интизор набуд, ки масъалаи ворисият то ошкор шудани бемории шоҳ ин қадар зуд баррасӣ шавад. Ба андешаи ӯ, ин аз он шаҳодат медиҳад, ки бемории шоҳ ба дараҷаи хатарнок расидааст.
Манбаъ: Қалампир.уз
