Ovozi.uz

Ба бонувоне, ки таҷрибаи кории 5-сола доранд, барои дохил шудан ба донишгоҳ тавсиянома дода мешавад

Кумитаи оила ва зан-духтарон ба бонувоне, ки маълумоти олӣ надоранд, вале аз рӯи ихтисоси худ ҳадди ақал 5 сол таҷрибаи корӣ доранд, барои дохил шудан ба муассисаҳои давлатии таълими олӣ тавсиянома доданро оғоз кард. Аз номзадҳо доштани дипломи таълими миёнаи махсус ё касбӣ, собиқаи кории 5-сола ва надоштани дипломи бакалавр талаб карда мешавад.

Бар асоси ин тавсиянома барои дохил шудан ба муассисаҳои давлатии таълими олӣ 500 квотаи алоҳида ҷудо мегардад.

Қабули аризаҳо то 1-уми июн идома меёбад.

Тавсиянома ба муҳлати 3 сол дода шуда, танҳо як маротиба барои дохил шудан ба таҳсил эътибор дорад.

Ин имтиёз ба муассисаҳои таълими хориҷӣ, ғайридавлатӣ ва ҳарбӣ татбиқ намегардад.

Ҳамчунин, аризаҳоро метавон тавассути платформаи my.gov.uz⁠ ба таври онлайн пешниҳод кард.