Бар асари обхезӣ дар музофоти Футсзяни Чин беш аз 35 000 нафар эвакуатсия карда шудаанд. Дар баъзе дарёҳо сатҳи об қариб чор метр баланд шудааст. Дар ин бора «Мир24» хабар додааст. (https://mir24.tv/news/16593945/navodnenie-v-kitae-naneslo-ushcherb-fermeram-na-summu-225-millionov-dollarov)
Гуфта мешавад, ки офати табиӣ бар асари борони шадид рӯй додааст. Дар натиҷаи ин об ба кӯчаҳои шаҳр баромад. Роҳҳо, хонаҳо ва кӯпрукҳоро об зер кард. Инчунин, зиёда аз 12 ҳазор киштзор зери об монд.
Мувофиқи маълумотҳо деҳқонон 225 миллион доллар зарар диданд. Дар маҷмӯъ, дар ҷанубу шарқи Чин аз офати табиӣ тақрибан 200 ҳазор нафар зарар дидааст.
