Ovozi.uz

Хусусиятҳои шифобахшии бодоми талх

Мизоҷаш дар дараҷаи саввум гарм дар охири дараҷаи якум хушк

  1. Ҳар рӯз се дона бодоми талх шикаста, мағзашро бихӯранд, ахлоти ғализи баданро дафъ мекунад.
  2. Мағзи бодоми талхро маҳин соида, ба чашм кашанд, басоратро қувват мебахшад.
  3. Мағзи бодоми талх, зағири бирёнкарда, мағзи чилғӯза – ҳамаашро соида ҳабҳо баста, дар даҳан нигоҳ доранду оби даҳан фурӯ баранд, гирифтагии овозро шифо мебахшад.
  4. Ҳар рӯз 3 дона бодоми талхро шикаста мағзашро бо наъноъ бихӯранд, дарди гурдаро дафъ мекунад.
  5. Ҳар рӯз ду мисқол равғани бодоми талхро бо як қошуқ кӯфтаи самари арча бихӯранд, бӯғма шудани бачадон – шифо мебахшад.
  6. Ҳар рӯз се дона мағзи бодоми талхро бо асал бихӯранд, суддаи ҷигарро мекушояд ва бемориҳои онро дафъ мекунад.
  7. Мағзи бодоми талхро кӯфта, бо доғҳои кунҷидак бимоланд, онҳоро аз рухсора дафъ мекунад.
  8. Ҳар рӯз се дона мағзи бодоми талхро бо майи пухтагӣ бихӯранд, ҳамаи бемориҳои гурдаро шифо мебахшад.
  9. Мағзи бодоми талхро кӯфта, бо сирко ё бо шароб сиришта, ба намла – дона ва обилаҳои сӯзишдор дар бадан – гузошта бандед, нафъ мекунад.
  10. Мағзи бодоми талхро кӯфта, ба доғҳои рӯй бимоланд, онҳоро дафъ мекунад, ба чинҳои рӯй низ бимоланд, ҳамвор мегардонад.
  11. Ҳар рӯз се дона бодоми талх бихӯранд ба дамкӯтаҳӣ шифост.
  12. Ҳар рӯз се дона мағзи бодоми талхро занҳо бо майи пухтагӣ бихӯранд, дарди бачадонро дафъ мекунад.
  13. Ҳар рӯз се дона бодоми талхро бихӯранд сурфаро дафъ мекунад.
  14. Ҳар рӯз се дона бодоми талхро бо асал бихӯранд, бемориҳои сипурзро шифост.
  15. Ҳар рӯз се дона мағзи бодоми талхро бо майи пухтагӣ бихӯранд, пешобро меронад ва душвории шошиданро дафъ мекунад.