Мувофиқи маълумоти «The Washington Post», дар версияи нақшаи сулҳи иттифоқчиёни аврупоии Украина пешниҳод карда мешавад, ки шумораи нерӯҳои мусаллаҳи Украина маҳдуд карда нашавад.
Лоиҳаи ИМА, ки аз 28 банд иборат аст, кам кардани шумораи нерӯҳои украиниро аз 800-850 ҳазори ҳозира то тақрибан 600 ҳазор нафар пешбинӣ мекунад.
Дар ҳуҷҷати Аврупо, инчунин пешниҳод мешавад, ки назорати нерӯгоҳи атомии Запороже ва комплекси гидроэнергетикии Каховка ба Украина баргардонида, киштиронӣ дар дарёи Днепр озод карда, инчунин назорати халиҷи Кинбурн ба Киев гузаронида шавад.
Пешниҳод мешавад, ки масъалаҳои боқимондаи қаламрав пас аз оташбас баррасӣ шаванд.
Тибқи версияи ИМА, назорати нерӯгоҳи атомии Запороже бояд ба МАГАТЭ гузарад ва нерӯи барқи тавлидшуда аз ҷониби нерӯгоҳ бояд баробар байни Украина ва Россия тақсим карда шавад.
