Ovozi.uz

4 одати баде, ки дар пирӣ ба саломатӣ зарар мерасонад

Дар пиронсолӣ баъзе одатҳо метавонанд ба саломатӣ зарари ҷиддӣ расонанд. Бо пешгирӣ кардани онҳо шумо метавонед сифати ҳаёт ва саломатии худро беҳтар кунед.

Маълумот дар бораи чунин одатҳо:

1. Кам об нӯшидан: бо мурури синну сол ҳисси ташнагӣ кам мешавад, ки боиси норасоии об дар организм мегардад. Кам нӯшидани об ба гардиши хун ва саломатии умумӣ таъсири манфӣ мерасонад. Ҳар рӯз на камтар аз 1,5–2 литр об нӯшиданро одат кунед.

2. Кам истеъмол кардани сафеда: вақте ки одамон пир мешаванд, бисёриҳо истеъмоли сафедаро кам мекунанд, ки ин метавонад боиси аз даст додани бофтаи мушакҳо гардад. Ба қатори хӯрокҳои худ сарчашмаҳои баландсифати сафеда, аз қабили тухм, мурғ, моҳӣ, маҳсулоти ширӣ ва лӯбиёгиро дохил кунед.

3. Хӯроки пеш аз хоб: пеш аз хоб хӯрок хӯрдан ба мубодилаи моддаҳои бадан таъсири манфӣ мерасонад. Ин метавонад боиси баланд шудани миқдори шакар дар хун ва диабет ё дигар бемориҳо шавад. Хӯрдани хӯроки шомро 3–4 соат пеш аз хоб одат кунед ва хӯрокҳои сабук ва осонҳазмро интихоб кунед.

4. Норасоии нах: нах барои системаи ҳозима хеле муҳим аст. Онҳо ба нигоҳ доштани микрофлораи рӯда, баланд бардоштани иммунитет ва беҳтар кардани ҳозима мусоидат мекунанд. Барои зиёд кардани нах истеъмоли орди ҷуворимакка, себ, буттамева, сабзавот ва лӯбиёгиҳоро ба ғизои худ илова кунед.

Даст кашидан аз ин одатҳо ва иваз кардани онҳо ба тарзи ҳаёти солим барои пирии солим ва пурмазмун аҳамияти бузург дорад.

Худро эҳтиёт кунед!

Тарҷима ва таҳияи ЛОЛА.