Ovozi.uz

Номзадҳо ба намояндагии Шӯрои намояндагони халқи вилоят ба қайд гирифта шуданд

19 сентябр маҷлиси навбатии комиссияи интихоботии вилояти Самарқанд баргузор гардид.
Дар маҷлиси машваратӣ, ки таҳти раёсати раиси комиссия X.Муҳаммадиев гузаронида шуд, масъалаи ба қайд гирифтани номзадҳои ҳизбҳо ба намояндагии Шӯрои намояндагони халқи вилоят муҳокима шуд.
Мувофиқи моддаи 37-уми Кодекси интихобот депутатҳои халқ ҳуқуқ доранд ба намояндагии Шӯрои намояндагон номзади ҳизбҳои сиёсиро пешбарӣ намоянд. Комиссияи округии интихоботӣ номзадҳоро бо тартиби муқарраршуда ба қайд гирифта, дар бораи онҳо интишори расмии маълумотро ташкил мекунад. Бақайдгирии номзадҳо сию панҷ рӯз пеш аз интихобот ба анҷом мерасад.
— Тавассути системаи «е-сайлов» аризаи 300 нафар номзадҳо аз ҳар панҷ ҳизби сиёсӣ ба 60 округи интихоботии Шӯрои намояндагони халқи вилоят ба комиссия фиристода шуд, — гуфт котиби комиссияи интихоботии вилоят Амрулло Ахтамов. — 41 дарсади номзадҳо занонанд. Мо номзадҳо ва заминаҳои онҳоро таҳқиқ кардем. Он ба талаботи Кодекси интихобот ва дигар санадҳои ҳуқуқӣ мувофиқат мекунад.
Дар маҷлис қарор қабул шуд, ки 300 нафар номзадҳои аз тарафи партияҳо пешбаришуда ба намояндагии Шӯрои намояндагони халқи вилоят ба қайд гирифта шаванд.
Мутобиқи моддаи 40-уми Кодекси интихобот, комиссияи минтақавии интихобот дар давоми панҷ рӯз дар бораи бақайдгирии номзадҳо бо нишон додани насаб, ном, номи падар, соли таваллуд, мансубияти ҳизб, вазифаи ишғолкарда (навъи машғулият), ҷои кор ва истиқомат, инчунин номи номзадро эълон мекунад.

Маркази матбуоти комиссияи интихоботии вилояти Самарқанд