Ovozi.uz

Намоиши корҳои эҷодии Нуриддин Калонов баргузор гардид

Аъзои Академияи санъати Ӯзбекистон, рассоми маъруф ва ходими хизматнишондодаи фарҳанги Ӯзбекистон Нуриддин Калонов ба синни 75 расид.

Ба ин муносибат дар шаҳри Самарқанд намоиши асарҳои эҷодии ӯ таҳти унвони “Руҳи Самарқанд” ва “Устод-шогирд” ифтитоҳ ёфт.

Дар чорабинӣ иҷрокунандаи вазифаи ҳокими вилоят Адиз Бобоев ширкат варзида, рассомро бо ҷашни 75-солагиаш табрик намуд.

Дар намоишгоҳ асарҳои офаридаи рассом дар солҳои гуногун ба намоиш гузошта шуданд. Ширкаткунандагони чорабинӣ аз ин асарҳои дурахшон боздид карданд.