Ovozi.uz

Маркус Рэшфорд бозигари нави “Барселона”

Дастаи “Манчестер Юнайтед” ва “Барселона” тафсилоти қарордоди иҷораи Маркус Рэшфордро созиш карданд. Ба эҳтимоли зиёд, дар наздиктарин вақт ҳамлагар ба дастаи “Барселона” хоҳад пайваст ва ҳадди ақал як мавсим дар ҳайати ин даста бозӣ мекунад.

Ин барои Маркус як марҳилаи нави муҳим дар фаъолияти варзишиаш хоҳад буд, зеро бори аввал Премйер-Лигаи Англияро тарк карда, ба як лигаи дигар мегузарад.

Сармураббии “Барселона” — Ҳанс-Дитер Флик боварӣ дорад, ки барои футболбозе бо чунин истеъдод мутобиқ шудан ба муҳити нав мушкил нахоҳад буд.

Тибқи иттилои нашрияи BeSoccer, Флик нақша дорад, ки Рэшфордро ба ҳайати асосии даста ворид кунад. Ӯ бовар дорад, ки Маркус дар муҳити нав зуд мутобиқ мешавад.

Айни ҳол, роҳбари хати ҳамлаи “Барселона” Роберт Левандовски боқӣ мондааст. Флик чунин мешуморад, ки байни Левандовски ва Рэшфорд ҳамоҳангии хуб ва рақобати солим ба вуҷуд меояд. Моҳи август “Барселона” сафар ба Осиёро оғоз мекунад ва Флик мехоҳад Маркусро ба рӯйхати иштирокчиёни ин тур дохил кунад.