Ovozi.uz

Зинаи вилоятии Олимпиадаи байналмилалии забони англисӣ баргузор шуд

Дар мактаби рақами 82-и шаҳри Самарқанд зинаи дуюми интихоби Олимпиадаи байналмилалии забони англисӣ гузашт.

Ғолибони зинаи якуми ноҳиявӣ (шаҳрӣ)-и интихоби Олимпиадаи байналмилалии забони англисӣ, инчунин як ҷамоа, ки аз хонандагони синфҳои 1-4 (хурдсолон) ва синфҳои 5-11 (калонсолон)-и филиали Самарқандии Мактаби Президентӣ ва Мактаби махсуси Муҳаммад Ал-Хоразмӣ иборат буда, 192 нафарро ташкил медоданд, дар он иштирок карданд.

Дар ин марҳила, иштирокчиён намоишҳои саҳнавии худро дар мавзӯи «Зеҳни сунъӣ (IT)» ба муддати 7 дақиқа, яъне муаррифии лоиҳаҳои худро пешниҳод карданд. Ба дастаҳо, ки аз хонандагони синфҳои 5-11 иборат буданд, дар даври 3-юм супоришҳои санҷишӣ дода шуданд. Ба иштирокчиён барои иҷрои вазифаҳо 90 дақиқа вақт дода шуд.

Дар марҳилаи дуюми минтақавии интихобии Олимпиадаи байналмилалии забони англисӣ, дастаи мактаби рақами 3-и шаҳри Каттақӯрғон дар гурӯҳи хурдсолон (хонандагони синфҳои 1-4) ва байни калонсолон (хонандагони синфҳои 5-11) ҷамоаи Мактаби Президентии Самарқанд ҷои 1-умро ишғол карда, ба марҳилаи ҷумҳуриявии интихоби роҳхат гирифтанд.