Бошгоҳи «Пари Сен-Жермен» дар сомонаи расмии худ вазъи ҷароҳатҳои муҳофиз Маркинйос, ҳамлагарон Хвича Кваратсхелияв ва Усмон Дембелеро эълон кард. Ҳар се футболбоз дар бозии даври сеюми марҳилаи умумии Лигаи чемпионҳои УЕФА бо «Барселона» (4:2) ҷароҳат бардошта, маҷбур шуданд майдонро тарк кунанд.
Тибқи иттилои расмии бошгоҳ, Хвича Кваратсхелия аз ҷароҳати вазнини зону азият мекашад. Ӯ дар бозӣ бо «Барселона» пайванди пеши салибии зонуи росташро осеб додааст. Ин футболбоз рӯзҳои наздик ҷарроҳӣ мешавад. Ҳамлагари фаронсавӣ Усмон Дембеле аз ҷароҳати мушакҳои рони чап ранҷ мебарад. Ӯ ҳафтаҳои наздик табобат мегирад.
Муҳофиз Маркинйос низ дар бозӣ бо «Барселона» рони рости худро осеб додааст ва ҳафтаҳои ояндаро барои табобат сипарӣ мекунад. Ҷароҳатҳои ин се футболбоз барои «ПСЖ» зарбаи ҷиддӣ ба ҳисоб мераванд, бахусус осеби Кваратсхелия, ки ба ҷарроҳӣ ниёз дорад. Муддати дақиқи бозгашти онҳо ба майдон ҳанӯз эълон нашудааст.
